केकी अधिकारीद्वारा निर्मित तथा अभिनीत चलचित्र ‘कोहलपुर एक्सप्रेस’ प्रचारका लागि छायांकन स्थल बाँकेको कोहलपुर पुगेको छ ।
नेपाल अटोमोबाइल एसोसिएसन (नासा) को सडक दर्घटना न्यूनीकरण सम्वन्धि अभियानलाई साथ दिँदै केकीले सदरमुकाम नेपालगन्जसँगै कोहलपुरका विभिन्न स्थानमा जनचेतना फैलाइन् ।
“सार्वजनिक यातायातको संरक्षण गरौं, सुरक्षित यात्राको लागि ट्राफिक नियम पालना गरौं” भन्ने मूल नारासहितको व्यानर समाउँदै उनले बाँकेका फ्यानलाई चलचित्रको बारेमा जानकारी दिइन् ।
बिशाल भण्डारी निर्देशित चलचित्रमा केकी अधिकारी, ऋचा शर्मा, प्रियंका कार्की, बुद्दी तामाङ, रविन्द्र झा, विनोद न्यौपाने, कुशाग्र भट्टराई लगायतका कलाकारको अभिनय छ ।
‘कोहलपुर एक्सप्रेस’ मा अर्जुन पोखरेल/कालीप्रसाद बाँस्कोटा/राजनराज सिवाकोटीको संगीत, लोकेश बज्राचार्यको सम्पादन, बिशाल भण्डारीको कथा, शान बस्न्यातको पटकथा/संवाद र भद्र बहादुर शाही/देवीलाल नयौपाने (पण्डित)/शिव प्रसाद चौलागाईको लगानी रहेको छ ।