जेठ १० गते राष्ट्रिय सभा गृहमा हुन लागेको ‘१० औं डी सिने अवार्ड’ को अवसरमा हरेक वर्ष प्रदान गर्दै आएको सम्मान एवं पुरस्कारको घोषणा गरिएको छ ।
आयोजक संस्था छायाँछवि क्रियशनले ‘छायाँछवि लाइफटाइम लिजेन्ड्री अवार्ड’ नेपालकै पहिलो चलचित्र ‘आमा’ बाट नेपाली रजतपटमा प्रवेश गरेकी हाँस्य साम्राज्ञीको उपमा पाएकी बसुन्धरा भूषाललाई प्रदान गरिने भएको छ ।
छायाँछवि क्रियशनले यस वर्षको पुरुषतर्फ ‘छायाँछवि चलचित्रकर्मी रजत सम्मान’ वितरक, प्रदर्शक एवं निर्माता नरेन्द्र महर्जन र महिलातर्फ मौसमी मल्ललाई प्रदान गर्ने भएको छ ।
यस्तै, ‘छायाँछवि चलचित्र पत्रकारिता पुरस्कार’ श्याम अर्याललाई प्रदान गरिने निर्णय गरिएको छ । अर्याललाई नगद रु १० हजार १० रुपैयाँ र प्रमाणपत्र प्रदान गरिने छायाँछवि क्रियशनका अध्यक्ष शान्ति प्रियले जानकारी दिए ।