अभिनेत्री निशा अधिकारीले शुक्रवार अमेरिकाको एक अस्पतालमा छोरालाई जन्म दिएकी छिन् । उनले फेसबुकमा छोराको एक फोटो सेयर गर्दै सो कुराको जानकारी दिएकी हुन् । निशाले छोराको नाम ‘युभन निशारद’ राखेकी छिन् ।
निशा पहिलोपल्ट आमा बनेपछि उनका साथी, कलाकार, तथा समर्थकले खुसी प्रकट गरेका छन् । निशाले परिवारमा नयाँ सदस्य थपिएकामा आफू निकै खुसी भएको बताएकी छन् ।
आफू निर्मित चलचित्र ‘झ्यानाकुटी’ रिलिज लगत्तै उनी अमेरिका उडेकी थिइन् । निशाले क्रिकेटर शरद भेषावकरसँग गएको असार १६ गते लगनगाँठो कसेकी थिइन् ।