अभिनेता राजेश हमालले राष्ट्रकवि माधवप्रसाद घिमिरेको स्वास्थ्य अवस्था जानकारी लिएका छन् । मुटु, मिर्गौला र फोक्सोमा समस्या देखिएका कारण घिमिरेलाई करीब एक साता अगाडि ग्राण्डी अस्पतालमा भर्ना गरिएको थियो ।
अस्पताल पुगेर अभिनेता हमालले राष्ट्रकविको स्वास्थ्य अवस्थाको जानकारी लिएका हुन् । हमाल मंगलवार साँझ अस्पताल पुगेका थिए ।
अभिनेता हमालले आफ्नोे फेसबुकमा अस्पतालमा राष्ट्रकविसँग भेट गरेको तश्बिर शेयर गर्दै ‘शिघ्र स्वास्थ्य लाभको कामना’ लेखेका छन् । हमाल र कवि घिमिरे छिमेकी समेत हुन् । दुवै कपुरधाराका स्थानिय बासिन्दा हुन् ।
बुधवार अपराह्न ५ बजे नेपाली सेनाका चिकित्सक डा.शिवविक्रम सिलवाल र छोरा इन्दीवरका साथ घिमिरेलाई थप उपचारका लागि भारत लैजाने तयारी भइरहेको छ ।