भिमको घर निर्माणमा पलले पनि सहयोग गर्ने

सामाजिक सञ्जालमा निकै भाइरल भएका देवघाटमा भिम बहादुर बि.कको घर अभिनेता पल शाहले शिलान्यास गरेका छन् । उनको ५ बर्षअघि जलेको घर निर्माण हुन नसक्दा घर भित्रै पानी छिर्ने र रातभरी सुत्न नसक्ने अवस्था आएकाले आउँदो बर्षातभन्दा अगाडि नै घर निर्माण गरि हस्तान्तरण गर्ने अभियान सुरु भएको हो ।

समाजसेवी रञ्जिता गुरुङ्गको अगुवाइमा सुरु भएको अभियानमा अमेरिका निवासी हेम थापाको आर्थिक सहायता रहने र बाँकी रकम सहयोगीहरुसँग संकलन गरिने बताइएको छ । बैशाख १ गतेबाट घर निर्माणको थालनी हुनेछ ।

असार १ गतेभन्दा अगाडि नै घर सम्पन्न गरि हस्तान्तरण गर्ने लक्ष्य राखिएको छ । नायक शाहले आफूले पनि भौतिक, आर्थिक, सामाजिक सहयोग गर्ने प्रतिवद्धता जनाएका छन् । आफू सामाजिक काममा खुशी मिल्ने बताउँदै भिमको घर निर्माणमा आफूले सकेको सहयोग गर्ने बताए ।