‘द भ्वाइस’ को कोचमा राजु र आस्था ‘इन’, सनुप र अभया ‘आउट’

गायन रियालिटी सो ‘द भ्वाइस अफ नेपाल सिजन २’ मा कोचको रुपमा सनुप पौडेल र अभया सुब्बाको स्थानमा राजु लामा र आस्था राउतको इन्ट्री भएको छ । गत वर्ष देखि नेपालमा सुरु भएको रियालिटी सो ‘द भ्वाइस’ को दोस्रो संस्करणमा अब राजु र आस्था कोचको कुर्सीमा बस्नेछन् । पहिलो संस्करणका कोच गायक दीप श्रेष्ठ र प्रमोद खरेल भने यथावत छन् ।

यसको पहिलो सिजन कान्तिपुर टेलिभिजनमा प्रशारण भएको थयो । दोस्रो सिजन भने हिमालय टेलिभिनबाट प्रशासन हुने भएको छ । साउनको पहिलो साताबाट शुक्रबार र शनिबार बेलुकी ८ बजे यो शो प्रशारण हुने भएको छ । ‘द भ्वाइस अफ नेपाल–२’लाई यूनाइटे सिमेन्ट्सले टाइटल स्पोन्सर गरेको छ ।

झण्डै २३ हजार प्रतिभाहरुले डिजिटल अडिसनमा सहभागीता जनाएकोमा विभिन्न छनौट चरण पार गरी १ सय भन्दा बढि प्रतिभाहरु ब्लाइन्ड अडिसनका लागि चुनिएको सोमवार राजधानीमा एक कार्यक्रमका बीच निर्देशक लक्ष्मण पौडेलले जानकारी दिए । टेलिभिजन र विज्ञापन कम्पनीहरुविच पत्रकार सम्मेलनमा सम्झौता समेत भएको थियो ।