काठमाडौँ – चन्द्र पन्तको निर्देशनमा बन्ने चलचित्र ‘आ बाट आमा’ मा अभिनेता पल शाह अनुबन्धित भएका छन् । यसअघि अभिनेत्री बिपना थापा आमाको भूमिकाका लागि अनुबन्ध भइसकेकी छिन् ।
पल शाहले चलचित्रको स्क्रिप्ट निकै भावुक र भावनात्मक भएकोले आफूलाई यसमा काम गर्न उत्साहित बनाएको बताएका छन् । साथै, उनले निर्देशक चन्द्र पन्तको अघिल्लो चलचित्र ‘ह्रस्व दीर्घ’ को उत्कृष्ट मेकिङबाट प्रभावित भएको जनाए ।
अभिमन्यु निरवीले लेखेको यस चलचित्रको थिम पोस्टर केही दिनअघि सार्वजनिक भएको थियो, जसमा आमाको आँसुलाई बच्चाले रोक्ने प्रयास गरेको देखाइएको थियो । यसले आमा र सन्तानबीचको गहिरो सम्बन्ध को कथालाई उजागर गर्नेछ ।
निर्देशक पन्तका अनुसार चलचित्र आगामी फागुन १५ गतेबाट सार्वजनिक प्रदर्शनमा आउनेछ ।