राष्ट्रिय चलचित्र दिवस अब असोज १५ मा, सर्वाधिक कमाउने २५ चलचित्रहरू सम्मानित

काठमाडौं – नेपाल सरकारले अब प्रत्येक वर्ष असोज १५ गतेलाई ‘राष्ट्रिय चलचित्र दिवस’ को रूपमा मनाउने औपचारिक घोषणा गरेको छ । असार १३ गते बसेको मन्त्रिपरिषद्को बैठकले गरेको निर्णयअनुसार यो घोषणा गरिएको हो । यसअघि असोज १ गतेलाई चलचित्र दिवस मनाउने भनिए पनि, चलचित्र विकास बोर्डको सिफारिसमा मन्त्रिपरिषद्ले मिति परिवर्तन गरी असोज १५ गते कायम गरेको हो । चलचित्र विकास बोर्डको २५औँ वार्षिकोत्सवको अवसरमा आज यसको औपचारिक जानकारी गराइएको हो ।

यसैबीच, चलचित्र विकास बोर्डले आफ्नो २५औँ वार्षिकोत्सवका अवसरमा विगत २५ वर्षमा नेपालमा सर्वाधिक व्यापार गर्ने २५ वटा नेपाली चलचित्रका निर्माताहरूलाई सम्मान गरेको छ । सोमबार आयोजित एक विशेष समारोहमा कुल व्यापार ५ करोडभन्दा माथि रहेका र अधिकतम कमाइ गरेका चलचित्रका निर्माताहरूलाई कदर गरिएको हो ।

बोर्डका अनुसार, नेपालमा हालसम्मको सर्वाधिक कमाइ गर्ने फिल्म ‘पूर्णबहादुरको सारङ्गी’ बनेको छ, जसले रु. ४६ करोड ८७ लाखको व्यापार गरेको छ । दोस्रो स्थानमा ‘कबड्डी ४’ (रु. २१ करोड ४० लाख) र तेस्रो स्थानमा ‘१२ गाउँ’ (रु. १९ करोड ९२ लाख) रहेका छन् ।

सर्वाधिक कमाइ गर्ने शीर्ष २५ चलचित्रको सूची यस प्रकार छ:

१. पूर्ण बहादुरको सारङ्गी: रु. ४६ करोड ८७ लाख

२. कबड्डी ४: रु. २१ करोड ४० लाख

३. १२ गाउँ: रु. १९ करोड ९२ लाख

४. छक्का पञ्जा ४: रु. १७ करोड ५३ लाख

५. जारी: रु. १७ करोड ४८ लाख

६. छक्का पञ्जा: रु. १६ करोड १० लाख

७. महाजात्रा: रु. १५ करोड ६७ लाख

८. छक्का पञ्जा ५: रु. १५ करोड २० लाख

९. कोहिनुर: रु. १४ करोड ७५ लाख

१०. छक्का पञ्जा २: रु. १४ करोड ५१ लाख

११. शत्रु गते: रु. १२ करोड ६५ लाख