ठुलोपर्दा डटकम, काठमाण्डौ ।
शनीवार अचानक बिरामी परेर अस्पताल भर्ना भएका बरिष्ठ चलचित्रकर्मी नीर शाहको स्वास्थ्यमा सुधार आएको छ । अस्पताल पुगेका निर्देशक सुमन दाहालका अनुसार हाल शाहलाई भेण्टिलेटरबाट बाहिर निकालिएको छ ।
मुटुमा ब्लड सर्कुलेसन ब्लक भएपछि एक्कासी बेहोस भएका नीर शाहलाई आइतवार अबेरसम्म कसैलाई भेट्न दिईएको थिएन । शाह घरमै भएको बेला अचानक बेहोस भएका थिए । शनीवार शाहलाई बाँसबारी स्थित गंगालाल अस्पतालको सिसियू कक्षमा उपचारार्थ राखिएको थियो ।