ठुलोपर्दा डटकम, काठमाण्डौ ।
नायक आर्यन सिग्देलको एक्सन भूमिका रहेको चलचित्र ‘आवेग’को छायांकन सकिएको निर्माणपक्षले जनाएको छ । निर्देशक बसन्त निरौलाले ३४ दिनमा छायांकन सकिएको जानकारी दिएका छन् ।
सुर्य कार्कीको निर्माण रहेको सिनेमाको छायांकनका क्रममा नायक आर्यन सिग्देल घाइते भएका थिए । आर्यन घाइते भएपछि यसको छायांकन केही दिन रोकिएको थियो ।
यो चलचित्रमा आर्यनका अलवा पवित्रा आचार्य, ध्रुव दत्त, अर्चना देलालाको मुख्य भूमिका छ । सिनेमा हेरेपछि आर्यनको एक्सन र स्टन्टको खुलेरै दर्शकले तारिफ गर्ने यसका निर्देशक बसन्त निरौलाको भनाई छ ।
यसअघि विजयपथ र राजनीति बनाएका निर्देशक निरौलाले आवेग आफ्ना लागि महत्वकांक्षी भएको बताए ।