ठुलोपर्दा डटकम, काठमाण्डौ ।
यतिबेला नेपालमा रहेका बलिउड अभिनेता आमिर खानले कथा मन परे नेपाली चलचित्रमा अभिनय गर्न तयार रहेको बताएका छन् । बिहिवार काठमाण्डौको होटल याक एण्ड यतिमा आयोजित पत्रकार सम्मेलनमा उनले आफुलाई संसारका हरेक चलचित्र हेर्दा खुशी लाग्ने बताएका छन् ।
दक्षिण एसियाका लागि यूनिसेफको पोषण दुत रहेका खान यससम्बन्धी जनचेतना जगाउन मंगलबार नेपाल आएका थिए । बुधवार लुम्बिनी पुगेर फर्केका आमिरले भ्रुण हत्याका बारेमा बोलेका थिए । सम्मेलनमा बोल्दै उनले आफु आमाबाट प्रेरित हुने गरेको समेत बताए ।