लामो समयपछि एकसाथ ठुलो पर्दामा देखिन लागेका बलिउडस्टार शाहरुख खान र काजोल देवगन अभिनित चलचित्र ‘दिलवाले’ प्रदर्शनमा नआउँदै सय करोडमा प्रवेश गरेको छ । यस चलचित्रका निर्माता समेत रहेका शाहरुख खानले रिलिज नहुँदै चलचित्रका विभिन्न अधिकार बेचेपछि ‘दिलवाले’ले नचल्दै करीव दुई सय करोड कमाई गर्ने निश्चित भएको हो ।
दिलवालेलाई भारतीय वितरकले १ सय ३० करोड दिएका छन् । त्यस्तै ओभरसिज राईटवाट ४० करोड, सोनी म्यूजिकबाट १५ करोड, टेलिभिजन राइट्का लागि ४५ करोड गरि चलचित्र ‘दिलवाले’ले सय करोड भन्दा बढिको लगानी उठाइसकेको छ । चलचित्रको सुटिङ ६० करोडमा सकिएको थियो भने निर्माताले १५ करोड पब्लिसिटीका लागि छुट्याएका छन् ।
बलिउडकै सर्वाधिक बहुप्रतिक्षित चलचित्रको रुपमा हेरिएको चलचित्र ‘दिलवाले’ मा शाहरुख र काजोलको रोमान्टिक प्रेम देख्न सकिन्छ । रोहित सेट्टी निर्देशित यो चलचित्रमा शाहरुख र काजोलको अलवा नायक बरुण धवन र नायिका कृती सनोन पनि चलचित्रमा देखिनेछन् । चलचित्रलाई यसै बर्षको क्रिसमसमा प्रदर्शनमा ल्याइँदै छ ।