ठुलोपर्दा डटकम, काठमाण्डौ।
नेपालमा २०५२ सालबाट सुरु भएको तात्कालिन माओवादी युद्धकालमा घटेका घटनालाई मुख्य आधार बनाएर निर्माण भएको चलचित्र ‘तान्द्रो’ ढाका अन्र्तर्राष्ट्रिय फिल्म महोत्सवमा छानिएको छ । आउँदो २०१६ जनावरी १४ देखि २२ तारिख सम्म सञ्चालन हुने यस महोत्सवमा यो चलचित्र पनि प्रदर्शन हुनेछ ।
Click Here to Watch Entertaining Videos
वि.सं २०६० साल चैत २८ गते लमजुङको छैलुङ गाउँमा तात्कालिन माआवादीको साँस्कृतिक टोलीलाई राज्य पक्षबाट खटिएका सुरक्षा फौजले गरेको आक्रमणलाई मुख्यरुपमा चलचित्रमा समेटेको छ । निर्देशक निश्चल बस्नेतको ब्ल्याक हर्स पिक्चर्सको ब्यानरमा निर्माण भएको चलचित्रका निर्माता सतिश गौतम हुन् भने सह निर्माताका रुपमा अशोक गौतम, निर्मल के.सी, र मिडिया पोर्ट रहेका छन् ।
चलचित्रको मुख्य पात्रका रुपमा दयाहाङ राइ रहेका छन् । चलचित्रमा सोमनाथ खनालको मुख्य सहायक निर्देशन, सुलक्षण भारती र सारुक ताम्रकारको सहायक निर्देशन, छायाकन पुरुशोतम प्रधान, कास्टिङ निर्देशक राजन खतिवडा, आधा सुरको संगीत, अमृत महर्जनको मेक अप, कुमार महर्जनको दन्द रहेको छ । चलचित्रलाई उपेन्द्र सुब्बा र साम्तेन भुटियाले लेखेका हुन भने भुटियाले नै चलचित्रलाई निर्देशन गरेका हुन् ।