ठुलोपर्दा डटकम, काठमाण्डौ।
पौष १० गतेबाट प्रदर्शनमा आउन लागेको चलचित्र ‘टिस्टा पारीको साइनो’को ट्रेलर रिलिज भएको छ । गुरुङ तथा मगर समुदायमा नाचिने प्रचालित घाटु नाचको कथालाई देखाईएको यस चलचित्रमा माया प्रेमलाई बिशेष प्राथमिकता दिईएको छ ।
खिल बहादुर गुरुङको कथा तथा निर्देशन रहेको चलचित्रले गुरुङ समुदायको भाषा तथा संस्कृति र युवा प्रेमको महसुश गराउँछ । यो चलचित्रमा खिलबहादुर गुरुङ, अनिता गुरुङ, अमिर, गजेन्द्र, टीकाराम घले, सिता गुरुङ लगायतका कलाकारका साथमा बालकलाकार सुधन गुरुङले अभिनय गरेका छन् । चलचित्रमा एके गुरुङ र रोजर गुरुङको लगानी रहेको छ ।
चलचित्रमा आँसु लामा र निराजन लामाको संगीत रहने छ भने पाश्र्व संगीत एलिस कार्कीको रहेको छ । यो चलचित्रले एउटा घाटु नाच्ने केटीको कथा उठान गरेको छ । यो चलचित्रको सुटिङ गत बैशाख १२ गएको विनाशकारी भूकम्पको केन्द्रविन्दु भएको गोर्खाको बारपाकमा गरिएको हो ।
ट्रेलर हेर्नुहोस्: