बलिउड नायक टाइगर श्रफले आफु मजदुर रहेको बताएका छन् । आगामी चलचित्र ‘बागी’को गीत ‘गेट रेडी टू फाइट’को रिलिजको क्रममा उनले भने ‘म मजदुर हुँ । मैले सबै कुरामा मेहनत गर्नुपर्छ । यहाँ मेरा थुप्रै अग्रणी कलाकारहरु हुनुहुन्छ, उहाँहरुबाट प्रेरणा लिन्छु’ ।
उनले थपे, ‘मलाई यो थाहा छ की मैले आफ्नो करियर आँफैले बनाउने हो । जसको लागि म केहि फरक देखिने कोशिस गरेको छु । यो मेरो लागि निकै कठिन कुरा हो’ ।
उनले गीतको बारेमा बोल्दै सम्पूर्ण युवालाई समर्पित गर्न चाहेको बताए । यस गीतले सँधै आफैलाई प्रेरणा दिने उनले बताए । यस गीतमा टाइगर मार्शल आर्टको फर्म कलरीपायट्ट र टफ ट्रेनिंग गरिरहेको देखिएका छन् । ‘बागी’ २९ अप्रिलमा रिलिज हुँदैछ ।
गीत हेर्नुहोस्: