ठुलोपर्दा डटकम, काठमाण्डौ।
गायक सुरेश रानाको पप गीत ‘टाढा टाढा जाँदै छु’को भिडियो सार्वजनिक भएको छ । राजेन्द्र भट्टले निर्देशन गरेको भिडियोमा बर्षा सिवाकोटी र सन्तोष कुमारको अभिनय छ । भिडियोमा पत्रिकामा प्रेमिकाको ब्लोअप फोटो छापिएको बिषयमा झगडा परेपछि प्रेम टुटेको कथा पाईन्छ ।
भिडियोका छायाँकार उत्सव दाहाल हुन् भने सम्पादन निशान घिमिरेले गरेका छन् । निर्देशक भट्टका अनुसार यो गीत तयार पार्न दुई दिन छायांकन गरिएको हो । भिन्न-भिन्न लोकेशनमा खिचिएका कारण समय लम्बिएको उनले बताए ।
यो गीत मार्फत करिब चार बर्षपछि सुरेश गायनमा फर्किएका हुन् । सुरेशले भनेका छन, ‘चार बर्षपछि ग्राण्ड इन्ट्री चाहिएकोले उत्कृष्ट भिडियोआवश्यक थियो, जुन पुरा भएको छ’ । यो गीताम पञ्जाबी संगीतकार आर बिको संगीत रहेको छ । भारतमा बस्दै आएका सुरेशले पञ्जाबमा नै अडियो तयार पारेका थिए ।
भिडियो: