ठुलोपर्दा डटकम, काठमाण्डौ।
केहि बर्ष अगाडीदेखी चलचित्र अभिनयबाट टाढिएकी सञ्चारकर्मी कृति भट्टराईले नयाँ व्याबसाय शुरु गरेकी छिन् । उनले बानेश्वरको थापागाउँमा एक क्याफे शुरु गरेकी हुन् ।
उनको क्याफेको नाम एस्प्रेसो अर्गानिक क्याफे हो, जहाँ बिभिन्न स्वादमा अर्गानिक नेपाली कफी तथा फुड आईटम पाईनेछन् । शनिवार अभिनेत्रीद्वय रेखा थापा र दीपाश्री निरौला साथै महिला राजनीतिज्ञ रामकुमारी झाक्री र लक्ष्मी खतिवडाले क्याफे उद्घाटन गरेका थिए । साथै, अन्य थुप्रै नेपाली सेलिब्रेटीहरु समेत उद्घाटनमा उपस्थित थिए ।
कफीकी पारखी कृतिले संयुक्त लगानीमा क्याफे व्याबसाय शुरु गरेकी हुन् । उनले जाभाको फष्ट ब्याचका नेपाली स्टुडेन्ट तथा कफी बिशेषज्ञ मान बहादुर श्रेष्ठसँग लगानीमा सहकार्य गरेकी हुन् ।
कृतिका अनुसार एस्प्रेसो अर्गानिक क्याफेमा नेपाली कफीको मात्र प्रयोग हुन्छ ।