भारतको तमिलनाडुको एक अदालतले आठ तमिल चलचित्र कलाकारविरुद्ध गैरजमानती पूर्जी जारी गरेको छ । मंगलबार पुर्जी जारी हुने कलाकारहरुमा बाहुबलीमा कटप्पाको भूमिकामा देखिएका अभिनेता सत्यराज सहित सुपरस्टार सूर्या, आर शरतकुमार, श्रीप्रिया, विवेक, विजय कुमार, अरुण विजय र चलचित्र निर्देशक चेरन छन् ।
तमिलनाडुको निलगिरी क्रिमिनल कोर्टले यी कलाकारहरुविरुद्ध गैरजमानती पूर्जी जारी गरेको हो । मानहानीको एक मुद्दामा अदालतमा उपस्थित नभएको कारण पुर्जी जारी भएको बताईएको छ ।
उनिहरुका विरुद्ध एक पत्रकारले मानहानीको मुद्दा दायर गरेका थिए । सन् २००९ मा यस ममिलामा तमिलनाडुको एक अखबारमा छापिएको लेखको दक्षिण भारतीय फिल्म कलाकारहरुको छाता संगठनले निन्दा गरेको थियो । देहव्यापारको एक मुद्दामा प्रहरीले फिल्म अभिनेत्री भुवनेश्वरीलाई पक्राउ गरेपछि एक अखबारले यस पेशामा जुडिएको भन्दै केही अभिनेत्रीहरुको सूची नै प्रकाशित गरेको थियो । यो बिषयलाई लिएर निकै विवाद भएको थियो ।