काठमाडौँ। कात्तिक २४ गते रिलीज हुने नेपाली चलचित्र ‘सकस’को पहिलो गीत सार्वजनिक भएको छ । नेपालीहरुको महान पर्व बडादशैंको अवसर पारेर फिल्मको ‘विस्तारै विस्तारै’ बोलको गीत सार्वजनिक गरीएको हो ।
शहदेब ढुङ्गानाको शब्द, चेतन सापकोटाको संगीतमा करुणा हमाल र राई नविनको स्वर रहेको गीतको भिडियोमा अभिनेता सुन्दर श्रेष्ठ र अभिनेत्री महिमा सिलवाल फिचरिङ छन् । भिडियोको कोरियोग्राफर विनोद सापकोटा हुन् ।
चलचित्रमा विल्सन विक्रम राई, सुन्दर श्रेष्ठ, महिमा सिलवाल, सुष्मा कार्की, रविन्द्र खड्का, श्याम राई लगायतका कलाकारहरुको अभिनय रहेको छ । लेखन मौनता श्रेष्ठको हो ।
दोभान फिल्मस् प्रा.लि.को ब्यानरमा अक्कल सिंह प्रस्तुतकर्ता रहेको ‘सकस’का निर्माता सुन्दर श्रेष्ठ, हेमराज बस्नेत र खगेन्द्र डागी हुन् । फिल्ममा हिमाल केसीको द्वन्द्व, चेतन सापकोटाको संगीत, गौतम राज खड्काको सम्पादन, कृष्ण श्रेष्ठको छायाँकन रहेको छ ।
गीत: