पछिल्लो समय छोरा सरह छोरीले पनि जन्मदिने बुबाआमाको काजकिरिया गर्न थालेका छन् । पुरानो मान्यतालाई तोड्दै अभिनेत्री सुस्मिता शाहीले पनि बुबाको किरियामा बसेकी छन् ।
भारतमा रोजगारीको सिलसिलामा रहेका पिता हरि पन्तको साउन १८ गते गाडी दुर्घटनामा निधन भएपछि उनी आफैं बाबुको किरिया बसेकी हुन् ।
आफू एक्ली छोरी भएका कारण हिन्दू परम्परा अनुसार १३ दिन बुबाको किरिया बस्ने सुस्मिताले बताइन् । ‘छोरा-छोरी बराबर हुन् । म बुबाको किरिया छोरा सरह नै १३ दिन बस्छु’, उनले भनिन् ।
सुस्मिताले ‘जञ्जीर’, ‘पुर्नजन्म’ लगायतका चलचित्रमा काम गरेकी छन् । पछिल्लो समय उनी चलचित्रमा खासै सक्रिय छैनन् ।