आइतवार साँझ जापानको टोकियो शहरमा भएको ‘सुर्य इन्टरनेशनल अवार्ड’ मा चलचित्र ‘म यस्तो गीत गाउँछु’ उत्कृष्ट ठहरिएको छ । दर्शकको भोटको आधारमा प्रदान गरिएको अवार्डमा यही चलचित्रबाट पल शाह र पूजा शर्मा उत्कृष्ट अभिनेता-अभिनेत्री घोषित भए ।
उक्त चलचित्रबाट सुदर्शन थापाले उत्कृष्ट निर्देशकको अवार्ड हत्याएका छन् । ‘सुर्य अवार्ड’ १२ विधा र मास पपुलर ४ विधामा बाँडिएको थियो । सह-अभिनेतातर्फ फिल्म ‘ऐश्वर्य’ बाट प्रशान्त ताम्राकार र सह-अभिनेत्रीतर्फ बर्षा राउतले ‘छक्का पञ्जा २’ बाट बाजी मारिन् ।
मास पपुलर अवार्ड ‘कृ’ बाट अभिनेता अनमोल केसी र ‘ए मेरो हजुर २’ बाट अभिनेत्री साम्राज्ञी आरएल शाहले हात पारे । सुर्य अवार्ड ‘शत्रुगते’ बाट उत्कृष्ट निर्देशकको अवार्ड प्रदिप भट्टराईले हत्याउँदा उत्कृष्ट को अवार्ड ‘छक्का पञ्जा २’ को पोल्टामा गयो । अवार्ड समारोहमा बरिष्ठ हाँस्य अभिनेत्री बसुन्धरा भुषाललाई लाइफटाईम अचिभमेन्ट अवार्ड प्रदान गरिएको थियो ।
भुवन केसीलाई सुर्य कलाकरिता सम्मान प्रदान गरिँदा सामिप्यराज तिमल्सिना ‘सुर्य चलचित्र पत्रकारिता’ र श्रीधर पौडेल ‘फोटो पत्रकारिता पुरस्कार’ बाट पुरस्कृत र सम्मानित भएका थिए । पुरस्कृत पौडेललाई नगद १५ हजार प्रदान गरिएको थियो ।
अरु कस-कसले जिते अवार्ड ?
१. पपतर्फ : गायक कमल खत्री र गायिका ईन्दिरा जोशी
२. लोकतर्फ : गायक रामजी खाँड र गायिका सम्झना मगर
३. आधुनिक गायनतर्फ : गायक राजेश पायल राई र गायिका मेलिना राई