मंसिर १३ गतेबाट देशव्यापी प्रदर्शनमा आउन लागेको राम गौतम निर्देशित प्रेम कथानक चलचित्र ‘प्रेम संसार’ को पहिलो रोमान्टिक गीत ‘सुनैना सुनैना’ सार्वजनिक भएको छ । बिहीबार राजधानीमा एक कार्यक्रमका बीच सार्वजनिक गरिएको गीतले चलचित्रका अभिनेता प्रेम सोनी र अभिनेत्री आयुष्मा कार्कीको प्रेमभाव बोल्छ । गीतमा राजेश पायल राई र अन्जु पन्तको स्वर सुन्न सकिन्छ ।
अहिलेका चर्चित संगीतकार अर्जुन पोखरेलको शब्द तथा संगीत रहेको गीतका कोरियोग्राफर निर्देशक राम गौतम स्वयं हुन् । चलचित्रमा प्रेम र आयुष्मासँगै कविता नेपाली, मोनिका दाहाल, विविशा पाण्डे, राम गौतम, अर्जुन पौडेल, करण पौडेल, सुनिल वि.कलगायतका कलाकारहरुको पनि अभिनय छ ।
सोनी फिल्म्सको प्रस्तुतिमा बनेको चलचित्रको कथा प्रेम बहादुर सुनार (गहतराज) को हो । उनी चलचित्रका निर्माता पनि हुन् । दिपेन्द्र बस्न्यातले चलचित्र खिचेका हुन् । कमल सुनार र सीता सुनार पनि निर्माता रहेको चलचित्रका कार्यकारी निर्माता उतम केसी र देविन गहतराज हुन् । यो चलचित्रमा शंखर महर्जनको एक्सन छ ।
गीत हेर्नुहोस् :-