नेपाल पत्रकार महासंघको एशोसिएट प्रदेशको अध्यक्षमा चलचित्र पत्रकार बैकुण्ठ पराजुलीले सानदार विजयी हासिल गरेका छन् । बुधबार भएको मतगणनामा उनले ३ सय ९९ मत प्रााप्त गर्दा उनका प्रतिद्वन्दी डीबी खड्काको पक्षमा २ सय ७५ मत खसेको थियो । पत्रकार महासंघमा आबद्ध ११ वटा एशोसिएट संस्थाले चलचित्र पत्रकार संघलाई एशोसिएट प्रदेशको अध्यक्ष छाडेका थिए ।
लोकतान्त्रिक प्यानल ९विपुल पोखरेल० बाट विजयी हासिल गरेका पराजुली चलचित्र पत्रकार संघका पूर्व सचिव हुन् भने खड्का साधारण सदस्य हुन् । निर्वाचित भएपछि अध्यक्ष पराजुलीले १२ वटै एशोसिएट संस्थाको मुद्धा लिएर महासंघमा जाने र समस्या समाधानका लागि प्रयास गर्ने बताए । चलचित्र पत्रकारितालाई मर्यादित बनाउन पनि आफूले भूमिका खेल्ने उनको भनाई छ ।
एशोसिएट प्रदेशको अध्यक्षबाहेक बाँकी सम्पूर्ण पद निर्विरोध निर्वाचित भएका थिए । उपाध्यक्षमा श्रीहरी थापा, महिला उपाध्यक्षमा पबित्रा मुडभरी, महासचिवमा रोयल आचार्य, सचिवमा धर्मेन्द्र ओझा, सचिव समाावेशीमा योगेश खपाङ्गी, कोषाध्यक्ष डा. ध्रुव कुमार तुलाधर चयन भएका छन् । त्यस्तै, सदस्यमा चलचित्र पत्रकार द्वय सुरज पौडेल र पुष्पा थपलियासहित १० जना चुनिएका छन् ।