नेपाली चलचित्रमा छोरालाई डेब्यू गराउँदै युवराज लामा



नेपाली चलचित्र क्षेत्रमा कुनै समयमा निकै चर्चा कमाएका निर्देशक, निर्माता तथा कलाकार युवराज लामा सन् २००३ मा रिलिज भएको ‘धर्मात्मा’ पछि चलचित्र निर्माण तथा निर्देशनबाट टाढा भएका थिए । अब उनी करीब डेढ दर्शकपछि चलचित्र निर्माण र निर्देशनमा कमब्याक गर्ने तयारीमा छन् । अहिले चलचित्रको स्क्रिप्टमा काम भइरहेको र आउँदो चैतपछि सुटिङ सुरु हुने उनले बताए ।

यो चलचित्रबाट उनले आफ्नो ‘लिगेसी’ धान्न छोरालाई नायकको रुपमा डेब्यू गराउने भएका छन् । उनका कान्छा छोरा सिद्धार्थ लामाले चलचित्रमा अभिनय गर्न लागेका हुन् । नेपाली दर्शकका लागि उनी नयाँ अनुहार भए पनि भारतको मलायलम इन्डस्ट्रीमा लोकप्रिय छन् । उनले मलायलम इन्डस्ट्रीका सुपरस्टार मोहनलालसँँग चलचित्र ‘योद्धा’ मा एकसाथ स्क्रिन शेयर गरिसकेका छन् ।

मलायलमको अर्को चलचित्र ‘इदावाप्पथ्य’ मा पनि उनले मुख्य भूमिकामा अभिनय गरेका थिए । सन् २०१६ मा रिलिज भएको यो चलचित्रमा अभिनेत्री मनीषा कोइरालाको पनि अभिनय थियो । मलायलममा सिद्धार्थलाई ‘उनिकुटा’ नामले चिन्ने गरिन्छ । पिताले निर्माण तथा निर्देशन गरेका ‘देउता’ लगायतका केही नेपाली चलचित्रमा पनि उनले बाल कलाकारको रुपमा अभिनय गरेका छन् ।

छोराको डेब्यूबारे युवराज लामाले भने, ‘सिद्धार्थले आफ्नो क्षमता र प्रतिभाले मलालयम इन्डस्ट्रीमा जुन पहिचान बनाएको छ, त्यो नेपाली दर्शकबीचमा पनि जानुपर्छ भन्ने मेरो सोच हो । किनकि, उसको क्षमता नेपाली दर्शकले पनि चिन्नु पर्छ । अनि, युवराज लामाको लिगेसी धान्ने पनि त कोही चाहियो नी १ यसैले पनि नेपाली चलचित्रमा छोरालाई डेब्यू गराउन लागेको हुँ ।’

प्रतिक्रिया दिनुहोस्
About Thuloparda
Thuloparda.com

Press Council Nepal Reg No.: 22

DOIB Reg No.: 160/073-74

Publisher: Jiwan Kumar Parajuli

Editor: Subrat Raj Acharya

Phone: 9851194755

Email: [email protected]

Address: Anamnagar, 29, Kathmandu

Designed by Appharu