काठमाडौँ ।
केहि दिन अघि पेश्की रकम फिर्ता गर्दै नायक अनमोल केसीले निर्माणाधिन चलचित्र ‘एक्स नाईन’ छोडेका थिए । समयमा छायांकन नगरेको भन्दै केसीले उक्त चलचित्रमा काम नगर्ने बताएका थिए ।
अब सोहि चलचित्रको लागि नायक प्रदीप खड्कालाई प्रस्ताव गरिएको बताईएको छ । अनलाइनखबर डटकममा प्रकाशित समाचारअनुसार यो चलचित्रमा काम गर्न मनसाय प्रदीपले बनाएका छन् । प्रदीपले यसअघि चर्चा भएअनुसार बलिउड सुपरस्टार सुनिल सेट्टीले अभिनय गर्नेभए आफु राजी भएको संकेत गरेको उक्त समाचारमा जनाईएको छ ।
मुकुन्द भट्टले निर्देशन गर्ने सो चलचित्रमा यसअघि नै सौगात मल्ल, पुष्प खड्का, राज कटुवाल, नीति शाह लगायतले सम्झौता गरिसकेका छन् ।