काठमाडौँ।
उच्च अदालत पोखराले नाबालिग यौन दुराचारको अभियोगमा जेलमा रहेका अभिनेता पल शाहलाई १५ दिनभित्र झिकाउन आदेश दिएको छ। यो मुद्दामा जिल्ला अदालत नवलपरासी पूर्वले पल शाहलाई साढे २ वर्ष कैद र पीडितलाई १० लाख रुपैयाँ क्षतिपूर्ति दिनुपर्ने फैसला गरेको थियो ।
यो फैसलाविरुद्ध जिल्ला सरकारी वकिल कार्यालय नवलपरासी पुर्व र शाह पक्षले उच्च अदालत पोखरामा पुनरावेदन गरेका थिए। सोमबार भएको सुनुवाईमा उच्च अदालतका कामु मुख्य न्यायाधीश डिल्लीराज आचार्य र न्यायाधीश ऋषि राजभण्डारीको संयुक्त इजलासले उनलाई झिकाउने आदेश दिएका हुन्।
सोहि प्रकृतिको मुद्दामा जिल्ला अदालत तनहुँले भने शाहलाई सफाई दिएको थियो। एक नाबालिग बलात्कारको आरोपमा उनीमाथि जिल्ला अदालत तनहुँ र नवलपरासीमा मुद्दा दायर भएको थियो।