![](https://i0.wp.com/www.thuloparda.com/wp-content/uploads/2024/01/Pradeep-Khadka-and-Aana-Sharma.jpg?resize=720%2C405&ssl=1)
काठमाडौँ। अभिनेता प्रदीप खड्काको प्रमुख भूमिकामा अभिनय रहने चलचित्र ‘एक्टर’मा अभिनेत्री आना शर्मा अनुबन्धित भएकी छन् । अनुबन्धित भएसँगै प्रदीपसँग आनाको पहिलो रोमान्स हुनेछ ।
राजन भुसालको निर्देशनमा तयार हुने चलचित्रमा थमनकुमार भण्डारीको लगानी छ । अदृत फिल्मसको प्रस्तुतिमा निर्माण हुन लागेको यो चलचित्रको सह–निर्मातामा एनिस भुसाल छन् । यो चलचित्रको छायाङ्कन केही महिनामा नै सुरु हुनेछ ।
यस चलचित्रलाई सन् २०२५ मा रिलिज गर्ने तयारीमा निर्माण पक्ष छ । यो चलचित्रमा नरेन्द्र मैनालीको छायाङ्कन रहनेछ । चलचित्रमा रित बोहरा सहयोगी निर्देशकको रूपमा रहेका छन् ।