काठमाडौं। यही चैत ३० गते रिलिज हुने चलचित्र ‘डिग्री माइला’को ‘किन’ बोलको लिरिकल गीत सार्वजनिक भएको छ। यसमा शब्द, सङ्गीत र स्वर हेमन्त रानाको रहेको छ।
अभिनेता दयाहाङ राई र अभिनेत्री आँचल शर्माको मुख्य भूमिका रहेको यो चलचित्रका निर्देशक रामबाबु गुरुङ हुन्। केही दिनअघि सार्वजनिक गरिएको यसको ट्रेलरमा चित्रित प्रसङ्गहरू र दयाहाङको डिग्री माइला चरित्रलाई दर्शले व्यग्र प्रतीक्षा गरिरहेका छन्।
बाँसुरी फिल्मस, कबड्डी फिल्मस र सुस्मा फिल्मसले मिलेर निर्माण गरेको यो चलचित्रले मास्टर डिग्री पास गरेका एक शैक्षिक बेरोजगारको कथा पेस गर्छ। यसमा दयाहाङ र आँचलका अलावा विजय बराल, माओत्से गुरुङ, बुद्धि तामाङ, प्रकाश घिमिरेलगायतको अभिनय रहेको छ।
यसका निर्माताहरू विशाल गुरुङ, मणिराम पोखरेल, मधु मिजार, सुष्मा गुरुङ तथा कार्यकारी निर्माता कृश लामा हुन्।
गीत: