काठमाडौं। नेपाली चलचित्र ‘बद्री बहादुर’को देशभर रिलिज भएको छ। शोभित बस्नेतले निर्देशन गरेको यो चलचित्रमा जय किसन बस्नेत, एलिना गुरुङ, छुल्ठिम गुरुङ, राजीव जङ्ग बस्नेत, धिरेन शाक्य, उत्तम केसी, वर्षा चौलागाई र निर्देशक शोभित बस्नेतको अभिनय रहेको छ।
रवि अधिकारी कार्यकारी निर्माता रहेको यो चलचित्र एबी पिक्चर्स फार्म र सलोन सलिना फिल्मस्को ब्यानरमा निर्माण भएको हो। विजय गोपाल दली प्रस्तुत कर्ता हुन् भने मिथुन भोटे निर्माता हुन्।
यसमा टङ्क बुढाथोकी र उजन नेम्वाङको सङ्गीत, रामकाजी घिमिरे लेखन, शङ्कर महर्जनको द्वन्द्व निर्देशन, रामजी राउत र ज्ञान कुमार कट्टेलको मुख्य सहायक निर्देशन तथा समीर मियाँको सम्पादन छ ।
आरआर फिल्म्सले वितरण गरेको छ। यो चलचित्रको सफलताको लागि भारतका कमेडीयन कपिल शर्माले शुभकामना दिएका थिए।