काठमाडौं। नेपाली चलचित्र ‘खजुरे ब्रो’ को टिजर रिलिज गरिएको छ। टिजरमा साथीको सम्बन्ध सँगै,माया प्रेमको दृश्यहरू र खजुरेको सङ्घर्षलाई देखाउन खोजिएको छ ।
निर्देशक सुरज सुनुवार निर्देशित यो चलचित्र वैशाख २८ गते रिलिज हुँदै छ। चलचित्रले धरान र आसपासका क्षेत्रमा चर्चित रहेका खजुरे पात्रको कथा पेस गर्छ। यस चलचित्रमा रेअर राई, महेश त्रिपाठी, नीति शाह, नवीन मानन्धर, प्रकाश भुजेल, विनीता थापा मगर, सुष्मा निरौला, पुष्कर कार्की, मनिष राउत, प्रेम सुब्बा, सुजाता राई, शान्तिला तामाङ, पवन लिम्बु, दीप चन्द्र राईलगायत कलाकारको अभिनय छ।
कलाकार नवीन मानन्धर तथा निर्देशक सुनुवारको संयुक्त निर्माण रहेको सिनेमामा सुनिल श्रेष्ठ,अनिल मानन्धर र पिकेश मानन्धर सह-निर्माता छन्।
डायमन्ड उप्रेती कार्यकारी निर्माता हुन्। शिशिर बिसंखेको छायाङ्कन रहेको सिनेमामा मित्र डि गुरुङको सम्पादन छ। चलचित्रलाई आर आर फिल्म्सले वितरण गर्दै छ।
टिजर: