काठमाडौं – पछिल्लो समय चलचित्र ‘बोक्सीको घर’बाट व्यापक चर्चा पाएकी अभिनेत्री केकी अधिकारीले आफ्नो जन्मदिनको अवसर पारेर रोचक योजना सार्वजनिक गरेकी छन् । केकीले सन् २०२५ मा निर्मात्रीको रूपमा आफूलाई व्यस्त बनाउने भएकी छन् ।
उनले आफ्नै ब्यानर ‘केकी अधिकारी फिल्म्स’ मार्फत नयाँ चलचित्र निर्माणको तयारी गरिरहेकी छिन् । मिडिया कुराकानीको क्रममा केकीले सो चलचित्रबाट आफ्नो भाइ विम्ब अधिकारीलाई चलचित्रको अभिनयमा ल्याउने तयारी गरेको बताएकी छन् ।
केकीले चलचित्रको छायाङ्कन आउँदो वैशाखदेखि सुरु गर्ने योजना बनाएकी छिन् । यस चलचित्रमा आफूले अभिनय गर्ने या नगर्ने विषयमा भने टुङ्गो नलागेको बताएकी छन् ।
उनले आउँदो वर्ष अध्ययन र चलचित्र निर्माण दुवैलाई सँगसँगै लैजाने योजना बनाएकी छन् ।