काठमाडौं – अभिनेत्री आँचल शर्मा र अभिनेता खगेन्द्र लामिछानेलाई जोडी बाँध्दै चलचित्र ‘हर्ष’ बन्ने भएको छ । एकता पौडेलले निर्देशन गर्ने यो चलचित्र ई प्राइम मुभिजको ब्यानरमा बन्ने बताइएको छ । डिओपिको लागि आलोक शुक्ला अनुबन्ध भएका छन् ।
यस चलचित्रका निर्माता प्रसन्न पौडेल र विकास पौडेलले हुन् भने कार्यकारी निर्माता हिक्मत चोखल हुन् ।
पहिलो पटक चलचित्र निर्देशन गर्न लागेको पौडेल दिवङ्गत निर्देशक शिव रेग्मीकी भान्जी हुन भने उनले न्यूयोर्क फिल्म एकेडेमीमा फिल्म मेकिङ अध्ययन गरेकी छन् ।
आमसञ्चारमा स्नातक गरेकी एकताले व्यवस्थापन तथा नेतृत्व विषयमा स्नातकोत्तर समेत गरेकी छन् । यसका अलावा उनले केही लघु चलचित्रहरू बनाएकी छन् ।