अमेरिकी राष्ट्रपति बाराक ओबामा र उनकी श्रीमति मिशेल ओबामाको जीवनमा आधारित चलचित्र निर्माण हुने भएको छ । ‘साउथ साइड वीथ यु’ नाम राखिएको उक्त चलचित्रमा उनीहरूको प्रेमप्रसंग, रोमान्स, विवाह र राष्ट्रपति बन्दासम्मको यात्रालाई समेटिने बताइएको छ ।
होमग्राउन प्रोडक्सन हाउस नामक निर्माण कम्पनीले बनाउन लागेको यस चलचित्रलाई ओबामा दम्पतीको जीवनका महत्त्वपूर्ण घटनालाई चलचित्रमा चित्रण गरिने बताइएको छ । बाराक र मिसेल सन् १९८९ मा पहिलोपटक भेटेका थिए । तीन वर्ष लामो प्रेम पछि उनीहरु बैबाहिक जीवनमा बाधिएका थिए । उनीहरूका दुई छोरी छन् ।
सन् २०१५ जुनदेखि सिकागोमा छायाङ्कन गरिने यस चलचित्रमा ओबामा र मिचेलको पहिलो भेट कहाँ भएको थियो भन्नेसमेत देखाइने भएको छ ।