हलिउड बक्स अफिसमा अधिक कमाइ गरेको एनिमेटेड फिल्म ‘फ्रोजन’को दोस्रो श्रृखंला ‘फ्रोजन २’ निर्माण हुने भएको छ । फिल्मको ‘आना’ चरित्रका लागि स्वर दिएकी क्रिस्टिन बेल र ‘ओलाफ द स्नोम्यान’का लागि स्वर दिएका जोस ग्याडले फिल्म बन्ने पक्का भएको पुष्टि गर्दै ट्विट गरेका हुन्।
‘फ्रोजन’ले विश्वव्यापीरुपमा १.२७ बिलियन अमेरिकी डलरको किर्तिमानी व्यापार गरेको थियो भने दुई ओस्कार अवार्ड पनि जितेको थियो। फिल्मलाई अघिल्लो श्रृखंला निर्देशन गरेका निर्देशकदोय क्रिस बक र जेनिफर लि नै गर्ने डिज्नीले जनाएको छ । फिल्मको रिलिज मिति भने तोकिएको छैन । डिज्नी स्टुडियोले निर्माण गरेको एनिमेटेड फिल्म फ्रोजनले २०१० मा नयाँ कीर्तिमान बनाएको थियो ।