‘जुरासिक वर्ल्ड’को सिक्वेल २०१८ मा आउने

हलिउड चलचित्र ‘जुरासिक पार्क’ को चौथो संस्करण ‘जुरासिक वर्ल्ड’ले आम्दानीको हिसाबमा विश्वकै तेस्रो स्थानमा आफूलाई उभ्याएको छ । आम्दानीको हिसाबले यो विश्वकै तेस्रो सर्वाधिक कमाउने चलचित्र बनेको छ ।

हालसम्म ‘जुरासिक वर्ल्ड’ चलचित्रले डेढ विलियन अमेरिकी डलरभन्दा बढी आम्दानी गरिसकेको छ । दर्शकहरुले अत्याधिक मनपराएपछि अब यसको पनि सिक्वेल निर्माण हुने भएको छ । हलिउड एक बेबसाइटका अनुसार जुरासिक वर्ल्डको सिक्वेल २०१८ जुन २२ तारिकमा रिलिज हुनेछ ।

जुरासिक वर्ल्डमा मुख्य भुमिका निभाएका क्रिस प्राट यसको सिक्वेलमा पनि रहने निर्माण कम्पनी यूनिवर्सल स्टूडियोले जानकारी दिएको छ । कोलिन ट्रेवोरोले भने यसको सिक्वेललाई निर्देशन गर्ने कम सम्भावना रहेपनि हालसम्म नयाँ निर्देशकको पक्का भने भइसकेको छैंन ।