महेश बाबूको चलचित्रले कमायो पहिलो हप्तामा ५० करोड

दक्षिण भारतिय चलचित्रका सुपरस्टार महेश बाबू अभिनीत तेलुगू चलचित्र ‘श्रीमंथुडु’ले प्रदर्शनमा आएको एक हप्तामा ५० करोड भन्दा माथिको व्यापार गरेको छ ।

व्यापार विश्लेषक त्रिनाथले बताए अनुसार सुरुवाती हप्तामा चलचित्रले ५० करोड भन्दा माथिको व्यापार गरेको छ । प्रदर्शनमा आएको दिन चलचित्र ‘श्रीमंथुडु’ले ३१ करोडको व्यापार गरेको थियो ।

कोरातला शिवाको निर्देशनमा निर्माण भएको यस चलचित्रमा महेशसँगै श्रुति हसन, जगपथी बाबू, राजेन्द्र, सन्पत राज, सुकन्या र हरिश उथामनले मुख्य भूमिका निभाएका छन् ।