पछिल्लो समय बलीउडमा सफल चलचित्रको सिक्वेल निर्माण हुने क्रम अत्याधिक बढिरहेको छ । पहिलो चलचित्र सफल भएपछि दर्शकहरुले पनि सोहि चलचित्रको सिक्वेल खोज्न थालेका कारणले निर्माताहरु माध्य भएरै चलचित्रको सिक्वेल निर्माण गर्न थालेका छन् ।
एक अभिनेत्रीलाई एउटा यस्तै नामले चिनिन् थालिएको छ । त्यो नाम हो श्रद्धा कपुर । उनलाई यति बेला बलीउडमा ‘सिक्वेल फिल्म क्विन’ भन्न थालिएको छ । उनले अभिनय गरेका तीन सिक्वेल चलचित्र आशिकी–२, रकअन–२ र एबिसिडी–२ सुपरहिट भएपछि उनलाई यो नामले पुर्कान थालिएको हो ।
उनलाई एउटा आरोप पनि लाग्दै आएको छ । पहिलो चलचित्र सुपरहिट भएपछि दोस्रो भागमा मात्र उनी अभिनय गर्न राजी हुन्छिन् । तर यो कुरालाई नर्कादै उनी भन्छिन्, ‘मैले जानी–जानी, खोजी–खोजी सिक्वेल चलचित्र गरेकी होइन । मलाई यस्तै अफर आए, चित्त बुझ्यो, गरेँ । सबै सिक्वेल हिट भए । यो सबै संयोग हो ।’ उनले थपिन् ‘मैले गरेका सबै सिक्वेल चलचित्रको कथा मूल चलचित्रको भन्दा एकदम फरक हुने गरेका छन् ।’