रियलमै बहादुरी केट

हलीउडको सर्वाधिक सफल चलचित्र टाइटानिककी नायिका केट विन्सलेटलाई बहादुरीलाई दर्शकहरुले अझै पनि सम्झन्छन् । टाइटानिकमा उनले गरेको बहादुरीका फ्यान अहिलेपनि असंख्य छन् । तर उनी पर्दामा मात्र होइन रियल लाइफमा पनि बहादुर छिन् भन्ने चार वर्षअघिको एक घटनाले पुष्टि गरेको छ ।

Click Here to Watch Entertaining Videos
कुरा हो २०११ अगस्टको । क्यारेबियन सागरको एक टापुमा आयोजित निजी पार्टीमा केट सहभागी थिइन् । पार्टी चलेको केही बेरमै त्यहाँ भयानक आगलागी भयो, जुन बंगलामा पार्टी चलिरहेको थियो । यस्तो भयावह स्थितिमा केटले पहिले आफ्नो बच्चालाई सुरक्षित बाहिर निकालिन् । त्यसपछि उनले ९० वर्षीया एक महिलालाई पनि सकुशल बाहिर निकाल्न सफल भइन् । त्यसपछि झन केटको बहादुरीको चर्चा राम्रै चुलियो ।

फेरी केटले बचाएकी ति वृद्धा ब्रिटिस उद्योगपति रिचर्ड ब्रेन्सनकी आमा थिइन् । ठूलो दुर्घटनाबाट आफू जोगिएपछि वृद्धा इभ ब्रेन्सनले केटको साहसको प्रशंसा गर्दै पटक–पटक भनेकी छिन्, ‘मेरो जीवन केटको सहयोगविना बाँच्ने थिएन ।’