सबिना भन्छिन्, ‘एटिएम खेल्नु भुल भयो’

Click Here to Watch Entertaining Videos
सानैदेखि हिरोइन बन्ने इच्छा बोकेकी सबिना अहिले भने चलचित्र एटिएम खेल्नु सबैभन्दो ठुलो भुल रहेको बताउँछिन् । एटिएम खेल्नुभन्दा अगाडी राम्रै चर्चामा आएपनि हाल भने उनी गुमनाम जस्तै छिन् । नयाँ पत्रिका दैनिकसँगको कुराकानीमा उनले भनिन्, ‘एटिएममा मेरो राम्रै भूमिका छ, तर रिलिजअगाडि सार्वजनिक गरिएको प्रोमोका कारण निकै तनाव भोग्नुपर्‍यो । एटिएम खेल्नाले अलि–अलि बन्दै गएको करिअर पनि चौपट हुने अवस्था आयो । त्यो फिल्म खेल्नु भुल थियो ।’

उनी अगाडी थप्छिन्, ‘चलचित्रभित्र अश्लील लाग्ने सिन, डाइलग नभए पनि चलचित्र चलाउन गरिएको ‘चिप पब्लिसिटी’ले गर्दा निकै गाह्रो भयो । एटिएमपछि पनि मलाई त्यसै खालका दृश्ययुक्त थुप्रै चलचित्रबाट अफर आए । मैले एकचोटि गरेको गल्ती पुनः नदोहोर्‍याउने प्रण गरेकाले कुनै चलचित्र पनि स्विकारिन् । अहिलेसम्म मैले झन्डै एक दर्जन चलचित्र र दुई सयजति म्युजिक भिडियोमा अभिनय गरिसकेकी छु । एटिएमबाहेक अरू सबै चलचित्र, म्युजिक भिडियोबाट म सन्तुष्ट छु ।’