ठुलोपर्दा डटकम, काठमाण्डौ।
यसपालीको दशैँमा रिलिज हुन लागेको नेपाली चलचित्र ‘ठमेल डटकम’ सेन्सर पास भएको छ । सेन्सरले चलचित्र ‘ठमेल डटकम’लाई ‘पिजी सर्टिफिकेट’ दिएको छ ।
कात्तिक ५ गते मोफसल र ६ गते राजधानी भित्र प्रदर्शन हुन लागेको यो चलचित्र १६ वर्ष भन्दा मुनिका दर्शकलाई अभिभावकको साथमा हेर्नु पर्ने छ । चलचित्र ‘ठमेल डटकम’ मा समावेश द्धन्द्धका दृश्यलाई आधार मान्दै सेन्सर वोर्डले पिजी सर्टिफिकेट दिएको चलचित्रका निर्देशक राजकुमार शर्माले जानकारी दिए ।
उद्धव पौड्यालको प्रस्तुति रहेको यो चलचित्रमा अनुपविक्रम शाही, प्रमोद अग्रहरि, नरेन खड्का, नीता पोखरेललगायतका कलाकार रहेका छन् । निकिता पौडेल, निरज पौडेल र निरक पौडेलको निर्माण रहेको यो चलचित्रमा ब्रजेश खनालको आलेख, राजुविक्रम थापाको छायांकन, कविराज गहतराज र गोविन्द राईको नृत्य रहेको छ ।