ठुलोपर्दा डटकम, काठमाण्डौ।
हलिउड अभिनेता बेनेडिक कम्बरव्याच चलचित्र ‘डक्टर स्ट्रेन्ज’को सुटिङका लागि काठमाडौं आएका छन् । हाल काठमाडौंका विभिन्न स्थानमा छायांकन भइरहेको चलचित्र ‘डक्टर स्ट्रेन्ज’को छायांकन नेपाल र बेलायतमा हुन लागेको हो ।
पशुपति क्षेत्रमा खिचिएको बेनेडिकको फोटो सामाजिक सञ्जालमा देखिएको छ । ३९ वर्षीय कम्बरव्याच टीभी शृंखलामा सेर्लक होल्म्स पात्रको लागि चर्चित छन् । उनी सन् २०१४ को चर्चित चलचित्र ‘दी इमिटेसन गेम’ मा पनि खेलेका थिए ।
स्कट डेरिक्सनले निर्देशन गरिरहेको यो सुपरहिरो चलचित्रमा चिवेटेल इजोफोर, म्याड्स मिकेलसनको मुख्य भूमिका छ। हलिउडको मुख्य स्टुडियो वाल्ट डिज्ने मार्भल पिक्चर्स अन्तर्गत चलचित्रलाई निर्माण र वितरण गर्न लागेको हो।