‘टिस्टा पारीको साइनो’लाई ‘सपनाले लुट्यो कहिले’ (भिडियो)

ठुलोपर्दा डटकम, काठमाण्डौ।
पौष १० गतेबाट प्रदर्शनमा आउन लागेको चलचित्र ‘टिस्टा पारीको साइनो’को ‘सपनाले लुट्यो कहिले’ बोलको गीत सार्वजनिक भएको छ । वियोगान्त शैलीको यो गीतमा राज सिग्देलको आवाज, आँशु लामा र नर्जन गुरुङको संगीत छ ।

खिल बहादुर गुरुङको कथा तथा निर्देशन रहेको चलचित्रले गुरुङ समुदायको भाषा तथा संस्कृति र युवा प्रेमको महसुश गराउँछ । यो चलचित्रमा खिलबहादुर गुरुङ, अनिता गुरुङ, अमिर, गजेन्द्र, टीकाराम घले, सिता गुरुङ लगायतका कलाकारका साथमा बालकलाकार सुधन गुरुङले अभिनय गरेका छन् । चलचित्रमा एके गुरुङ र रोजर गुरुङको लगानी रहेको छ । चलचित्रमा आँसु लामा र निराजन लामाको संगीत रहने छ भने पाश्र्व संगीत एलिस कार्कीको रहेको छ ।

यो चलचित्रले एउटा घाटु नाच्ने केटीको कथा उठान गरेको छ । यो चलचित्रको सुटिङ गत बैशाख १२ गएको विनाशकारी भूकम्पको केन्द्रविन्दु भएको गोर्खाको बारपाकमा गरिएको हो ।

गीत हेर्नुहोस्: