ठुलोपर्दा डटकम, काठमाण्डौ।
माघ १ गतेबाट अलनेपाल प्रदर्शनमा आउन लागेको चलचित्र फन्कोको वुधबार राजधानीमा रहेको क्यूएफएक्स कुमारीमा हलमा विशेष प्रदर्शनमा आयोजना गरिएको छ । प्रिमियरमा चलचित्रकर्मी देखी पत्रकारहरुको बाक्लो उपस्थिती रहेको थियो ।
चलचित्रका कलाकारहरुको अभिनय उत्कृष्ट रहेको बताउँदै प्रिमियरमा सहभागी व्यक्तिहरुले फन्को राम्रो चलचित्र रहेको बताएका छन् । सुर्बण थापाले निर्देशन गरेको फन्कोमा नरेन्द्र महर्जन साथै बेल्जियम निवासी शहदेव गौतम र पदम गुरुङ्गले लगानी गरेका छन । पैसाको पछाडी लाग्ने युवायुवतीको कथा उठान गरेको फन्कोमा सौगात मल्ल, दयाहाङ्ग राई, अनुप बराल, केकी अधिकारी, प्रियंका कार्की, केशव भटराई लगाएतका कलाकारहरुले अभिनय गरेका छन् ।
यो चलचित्र नोभेम्वर २३ मा सिनेमाहल जेड लुभेन बेल्जियममा समेत प्रदर्शन भइसकेको छ । ‘फन्को’ यूरोपका बेल्जियम, फिनल्याण्ड, डेनमार्क, अस्ट्रीया, ईटालि, स्पेन, पोर्चुगल, फ्रान्स लगाएतका देशहरु र अमेरिका अस्ट्रेलिया देशहरुमा पनि प्रर्दशन गरिने बताईएको छ ।