ठुलोपर्दा डटकम, काठमाण्डौ।
चैत ५ गतेबाट देशव्यापी प्रदर्शनमा आउन लागेको चलचित्र भाग् सानी भाग्ले सेन्सर बोर्डबाट युनिभर्सल सर्टिफिकेट पाएको छ । बुधबार गरिएको चलचित्रको सेन्सरमा कुनै पनि दृष्य नकाटी चलचित्र पास गरिएको छ ।
नवल नेपालको लेखन र निर्देशनमा निर्माण भएको यस चलचित्रमा केकी अधिकारी, सविन श्रेष्ठ, निर शाह, लय संग्रौला, रमेश वुढाथोकी, गिता अधिकारी, रविन्द्र खड्का, विष्णु सापकोटाको मुख्य भूमिका रहेको छ । रंगीन सपना बोकेर गाउँबाट शहर पसेका एक जोडी युवा युवतीको संघर्षको कथालाई चलचित्रमा उतारिएको बताईएको छ ।
चलचित्रमा सहदेव गौतम र विलोल पोख्रेल निर्माताको रुपमा छन् । साथीभाई फिल्मस्का लागि बिष्णु चापागाँईको प्रस्तुतीमा बन्न लागेको यो चलचित्रमा कविराज गहतराजको नृत्य, हिमाल केसीको एक्सन, दिव्यराज सुवेदीको छायांकन रहेको छ । चलचित्रलाई संगीतकार चेतन सापकोटाले निर्माण गरेका हुन् ।