ठुलोपर्दा डटकम, काठमाण्डौ।
निर्देशक दिपेन्द्र के. खनालले निर्देशन गरेको चलचित्र ‘पशुपति प्रसाद’ र उदय सुब्बाले निर्देशन गरेको अर्को चलचित्र ‘रिफ्युजी’ आजबाट देशव्यापी प्रदर्शनमा आएका छन् ।
चलचित्र ‘रिफ्युजी’मा जीवन लुइटेल, रिस्ता बस्नेत, सुरविर पण्डित, निर शाह, अशोक शर्मा, विपना बस्नेत चलचित्रको मुख्य भूमिकामा छन् । चलचित्रलाई मनोज राई र दिपेश सुब्बाले निर्माण गरेका हुन् । राजु किराँतीको एक्सन रहेको चलचित्रमा दिनेश पाख्रिनको नृत्य निर्देशन, विकास चौधरीको संगीत, सौरभ लामाको छायांकन छ ।
त्यस्तै चलचित्र ‘पशुपति प्रसाद’मा खगेन्द्र लामिछाने, बर्षा सिवाकोटी, विपिन कार्की, प्रकाश घिमिरे, रबिन्द्र सिंह बानियाा, मिश्री थापा, आशिष अधिकारी लगाएतको अभिनय रहेको छ । निर्देशक खनालका अनुसार मान्छेले देख्दै नदेख्ने सपना देखेर शहरका गल्लीमा क्रुर समाजसँग पैँठेजोरी खेल्ने पशुपति प्रसादको कथा चलचित्रले बोल्नेछ ।
यि चलचित्रसँग बलीउड अभिनेत्री सन्नी लियोनले अभिनय गरेको चलचित्र ‘मस्तीजादे’ पनि एकसाथ मैदानमा उत्रिएको छ ।