ठुलोपर्दा डटकम, काठमाण्डौ।
दिपेन्द्र केसीको निर्देशनमा बनेका दुईवट म्युजिक भिडियो बुधबार एकसाथ सार्वजनिक गरिएको छ । राजधानीको बागबजार स्थित एक सिनेका हलमा केसीको दुई भिडियो सञ्चारकर्मी तथा चलचित्रकर्मीहरुको माझ सार्वजनिक गरिएको हो ।
सय भन्दा बढि म्युजिक भिडियो निर्देशन गरिसकेका केसीले सिनेमा हलमा गरिएको भिडियो प्रिमियरलाई नेपालमा नै पहिलो पटक भएको दाबी पनि गरेका छन् । कम लगानीमा म्युजिक भिडियो तयार हुने भएका कारण हालसम्म कुनै व्यक्तिले पनि चलचित्र हलमा म्युजिक भिडियो प्रदर्शन गरेका थिएनन् । केसीको भिडियो पछिल्लो हप्ता रिलिज भई बक्सअफिसमा हिट भईसकेको चलचित्र क्लासिकका निर्देशक दिनेश राउतको विशेष आतिथ्यतामा प्रिमियर गरिएको हो ।
वादल प्रसाईं को स्वर समावेश हिमालमा र रामचन्द्र काफ्लेको स्वर समावेश ‘तिम्रो मिठो’ बोलको गीतको भिडियोमा अभिनय क्रमशः सुर्विना कार्की, पियुष कर्ण, भुमिका खड्का, सनि निधी र मनिष अग्रवाल तथा रिमा विश्वकर्मा, अच्युत पोखरेलको अभिनय छ । ‘हिमाल’मा बोलको गीतमा कोरियोग्राफी प्रशान्त तामाङले गरेका छन् भने बिदुर पाण्डेको छायाँकन छ भने प्रकाश तुलाधरको सम्पादन छ । गीतको बजार व्यवस्थापन बिन्दवासिनी म्युजिकले गरेको छ । त्यस्तै तिम्रो मिठो बोलको गीतमा छायाँकन रोशन श्रेष्ठ र ह्यारी महर्जनको छ भने टेकेन्द्र शाहको सम्पादन छ ।