जामनगरको एक अदालतले बलीउड निर्देशक तथा निर्माता मेहुल कुमारलाई चेक बाउन्सको मामलामा छ महिनाको जेल सजाय सुनाएको छ । साथै उनले पाँच हजार जरिवाना समेत तिर्नुपर्ने भएको छ । मेहुललाई ‘तिरंगा’ तथा ‘क्रान्तिविर’ जस्ता हिट चलचित्रबाट चिनिन्छ ।
कुमारले २००८ मा जामनगरको अरकाडिया शिपिंग एंड ट्रेडिंग कम्पनीका प्रबन्धक जगदीश आसरालाई ६३,८०५ भारु.को चेक दिएका थिए तर उक्त चेक बाउन्स भएको थियो । कुमारले अमिताभ बच्चन, नाना पाटेकर, अक्षय कुमार, माधुरी दीक्षित तथा डिंपल कपाडिया जस्ता कलाकारसँग काम गरेका थिए ।