रक्सी बोतलबाट बन्यो शाहरुखको ‘रईस’को पोस्टर

शाहरुखको आगामी चलचित्र ‘रईस’को नयाँ पोस्टर सार्वजनिक भएको छ, जुन रक्सीका बोतलबाट बनेको छ । मुम्बईका फिल्म-पब्लिसिटी डिजाइनर राजेशले यो पोस्टर डिजाइन गरेका हुन्, जसमा शाहरुखको अनुहार अलग-अलग रंगका रक्सीका बोतलबाट बनेको छ ।

‘रईस’लाई शाहरुखको रेड चिलीज इन्टरटेनमेंट प्राइभेट लिमिटेड र फरहान अख्तरको एक्सल इन्टरटेनमेंटले बनाएको हो । यसका निर्देशक राहुल ढोलकिया हुन्, जसले २००५ को चलचित्र ‘परजानिया’को लागि राष्ट्रिय अवार्ड जितेका थिए ।

‘रईस’मा शाहरुख अवैध रक्सीको व्यापार गरिरहेका देखिनेछन् । यो चलचित्र भारतको गुजरातका ग्यांगस्टार अब्दुल लतीफको जिन्दगीमा आधारित छ ।