ठुलोपर्दा डटकम, काठमाण्डौ।
‘कबड्डी’ सिरिजका निर्देशक राम बाबु गुरुङ् निर्देशित नेपाली चलचित्र ‘पुरानो डुंगा’को टिजर रिलीज भएको छ । टिजरमा दयाहाङ् राई र प्रियंका कार्कीको रिसालु प्रेम देखिएको छ ।
दया प्रियंकाको पछि-पछि छन् भने प्रियंकाले असन्तुष्टी जनाईरहेकी छिन् । टिजरले चलचित्रलाई पुर्णरुपमा प्रेमकथा रहेको जनाउँछ । दयाहाङ् राईको अभिनय रहेको चलचित्रमा हाँस्यपरक खुराक छैनन् भनेर भन्नै सकिँदैन ।
माओत्से गुरुङ्को कथामा रामबाबु गुरुङ् र उपेन्द्र सुब्बाको पटकथा तथा संवाद रहेको यो चलचित्रलाई सिनेमा आर्ट र माओत्से गुरुङ् फिल्मसले संयुक्त रुपमा बनाएका छन् ।
चलचित्रमा काली प्रसाद बास्कोटाको संगीत रहेको छ । शैलेन्द्र डि कार्कीले छायांकन गरेको यो चलचित्रमा निमेश श्रेष्ठको सम्पादन रहेको छ ।
टिजर हेर्नुहोस्: