शुक्रवार अजय देवगणले एक अडियो क्लिप सार्वजनिक गरी केआरकेद्वारा करण जौहरसँग चलचित्र प्रमोशनको लागि २५ लाख लिएको खुलासा गरेका थिए । केआरकेले पनि यो मामलामा सफाई दिँदै अजय देवगणमाथी घुस दिन र करण जौहरसँगको झगडामा बलीको बाख्रो बनाईएको आरोप लगाएका छन् ।
इंडियन एक्सप्रेसका अनुसार केआरकेले पत्रकार सम्मेलन गरि कुमार मंगतको कम्पनीको नामको तीन करोडको चेक देखाएर यो साबित गर्ने कोशिश गरेका छन् कि उनको कुमार मंगतसँग प्रोफेशनल र व्यक्तिगत सम्बन्ध छ ।
कुमार मंगत उनै हुन् जो अजय देवगणद्वारा जारी अडियो क्लिपमा केआरकेसँग कुरा गरिरहेका छन् । अजय देवगणका बिजनेस पार्टनर र म्यानेजर कुमार मंगत र केआरकेसँगको यस अडियो क्लिपमा यो कुराको खुलासा भएको छ कि केआरकेलाई करण जौहरले उनको आगामी चलचित्र ‘ए दिल है मुश्किल’ प्रचार गर्न र अजय देवगणको चलचित्र ‘शिवाय’को नकारात्मक प्रचार गर्नको लागि २५ लाख दिएका छण् ।
पत्रकार सम्मेलनमा केआरकेले करणले पैसा नदिएको बताएका छन् । केआरके भनेका छन्, ‘अजय देवगण बलीउडमा आउनु अगाडी दुई कौडीका मानिस थिए अहिले उनि अरबपति बनेका छन् । उनिसँग बलीउडको लागि कुनै भावनात्मक सम्बन्ध छैन। उनलाई खाली पैसासँग लगाव छ’ ।
यि दुवै चलचित्र २८ अक्टूबरमा रिलीज हुँदैछन् ।